Në Diaverum, ne u ofrojmë pacientëve tanë standarde vazhdimisht të larta të kujdesit në secilën nga klinikat tona në mbarë botën. Ndërsa përsosmëria e kujdesit tonë, e bazuar në qasje me standarde të larta, sjell rezultate mjekësore të shkëlqyera, ne gjithashtu njohim rëndësinë e fuqizimit të vërtetë të pacientëve, miqve dhe familjes së tyre. Kultura jonë empatike jep një përvojë holistike të kujdesit renal, duke përfshirë programin tonë d.HOLIDAY. Kjo u mundëson pacientëve që dëshirojnë të udhëtojnë, të kenë besim të plotë se mund të marrin kujdesin Diaverum, në mbarë botën. Sepse të gjithë meritojnë një jetë të kënaqshme. I gjithë ekipi ynë Diaverum ju mirëpret në klinikën tonë në Vlorë. Është klinika e parë e hemodializës për qytetin e Vlorës dhe ka lindur si Partneritet Publik Privat me Ministrinë e Shëndetësisë dhe Fondin e Sigurimit të Detyrueshëm të Kujdesit Shëndetësor. Klinika ndodhet në ambientet e Spitalit Rajonal të Vlorës pas rikonstruksionit të pjesshëm të tij dhe ka hapur dyert e saj më 13 qershor 2016. Sot, 46 pacientë me banim në Vlorë dhe në periferi, marrin këtë shërbim jetik ku një ekip prej 16 mjekësh dhe asistentësh e bëjnë këtë të mundur çdo ditë. Vizitoni Vlorën – mbretëresha e rivierës shqiptare, e vendosur në kryqëzimin e detit Adriatik dhe Jon. E njohur prej kohësh për prodhimin e saj të ullirit, Vlora është shtëpia e pavarësisë së Shqipërisë në vitin 1912, ky qytet është njëherësh shtëpia e muzikës tradicionale polifonike, shijeve të shkëlqyera të kuzhinës dhe disa nga plazhet më të mira të jugut. Ka disa pika simpatike për t'u vizituar në Vlorë si Muzeu Kombëtar i Pavarësisë, Xhamia e Muradijes (1542), Kalaja e Kaninës, Ishulli i Sazanit - ishulli më i madh shqiptar, një ish-objekt ushtarak me bunkerë sekretë dhe tunele të projektuara për t'i bërë ballë sulmeve bërthamore, i cili së fundmi hapi për publikun plazhet dhe vendet e veta të izoluara, Manastiri i Zvërnecit (kisha bizantine e Shën Marisë, shekulli XVI), Laguna e Nartës, Gadishulli i Karaburunit dhe Parku Kombëtar i Llogorasë.